Google ADS

Vrau 13 nxënës në Rusi, i dyshuari dikur ishte nxënës i kësaj shkolle

14:16 | 26 Shtator 2022
A. B.

Një person i armatosur ka hapur zjarr në një shkollë në Rusinë qendrore, duke vrarë të paktën 13 persona dhe duke plagosur 21, thonë zyrtarët rusë.

Viktimat përfshijnë shtatë fëmijë në shkollën me rreth 1000 nxënës në qytetin e Izhevsk, shkruan BBC.

Personi i armatosur vrau veten në vendngjarje. Ai ishte një ish-nxënës i shkollës.

Shtatë fëmijë dhe gjashtë të rritur u vranë, duke përfshirë dy roje sigurie dhe dy mësues, sipas zyrtarëve rusë. Stafi dhe nxënësit janë evakuuar nga ndërtesat e shkollës.

Një deputet lokal tha se sulmuesi i quajtur Artem Kazantsev, kishte qenë i armatosur me dy pistoleta.

Kreu i qarkut ka shpallur periudhë zie deri më 29 shtator. Zëdhënësi i presidentit rus Vladimir Putin tha se ai është “thellësisht në zi” për sulmin.

Shkolla është në qendër të Izhevsk, një qytet me rreth 650,000 banorë, afër ndërtesave të qeverisë qendrore. /arbresh.info/

lexo edhe:

Një burrë hyn në klasë dhe gjuan me armë nxënësit në Rusi

Shpërndaje në rrjete sociale

Lajmet më të lexuara

Të ngjashme

Foto lajm