Vrasja e gazetares, kryeministri i Maltës zotohet se do “zbulojë vrasësin”

22:24 | 18 Tetor 2017
Trina Galanxhi

Kryeministri i Maltës, Jusf Muskat, ka ofruar një shpërblim të madh për këdo që ka informacion rreth vrasjes së gazetares së njohur Daphne Caruana Galizia.

Caruana Galizia, e cila vazhdimisht kishte kritikuar politikat e Muskatit, u vra nga një bombë që ishte vendosur në makinën e saj, disa metra larg shtëpisë së saj, trasmeton portali arbresh.info

Ekpertët holandezë të mjeksisë ligjore dhe hetuesit nga FBI janë duke ndihmuar policinë vendase që të gjejnë prova mbi vrasjen që tronditi Maltën dhe tërë Europën.

“Ne do të sigurohemi që hetuesit tanë të kenë të gjitha burimet e nevojshme që të arrijnë në përfundimin që të gjithë e kërkojmë”, ka thënë Muscat.

Më pas ai ka theksuar se qeveria e tij ofron “shpërblim të konsiderueshëm dhe të pashëmbullt” për këdo që ka informacione mbi vrasjen e gazetares.

Djali i gazetares së njohur, që nxorri në pah lidhjet e qeverisë së Maltës me skandalin e Panama Papers, ka deklaruar se “nëna e tij është vrarë nga shteti mafioz i Maltës”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm