Von der Leyen: BE të bëjë plane emergjente për ndërprerjen e plotë të gazit rus

15:01 | 6 Korrik 2022
K.B

Bashkimi Evropian duhet të bëjë plane emergjente për të ndërprerë plotësisht furnizimet me gazin rus.

Kështu ka deklaruar Presidentja e Komisionit Evropian Ursula Von der Leyen, shkruan Sky News.

BE-ja ka vendosur sanksione ndaj Rusisë, duke përfshirë furnizimet me energji dhe po përpiqet të gjejë burime të tjera, por Von der Leyen u shpreh se unioni duhej të ishte gati nëse Rusia bllokon furnizimet.

Disa javë më parë, Gazprom shkurtoi furnizimet e tij të gazit natyror përmes tubacionit Nord Stream, duke shtuar presionin ndaj Gjermanisë dhe të tjera shteteve për të gjetur burime zëvendësuese.

Bashkimi Evropian kohët e fundit ra dakord për një paketë të gjashtë sanksionesh kundër Rusisë pas pushtimit të Ukrainës, duke përfshirë një ndalim të importit të naftës ruse deri në fund të vitit. /euronews.al/

Shpërndaje në rrjete sociale

Lajmet më të lexuara

Të ngjashme

Foto lajm