Vladimir Putin ka një “besim pothuajse mesianik në vetvete” dhe nuk i pëlqen kritikat, veçanërisht nëse ato vijnë nga gratë, ka deklaruar ish-sekretarja amerikane e shtetit Hillary Clinton.
Clinton kujtoi se ajo “pati disa zhvillime pozitive” gjatë punës me Putinin mes viteve 2009 dhe 2013, kur ai ishte kryeministër i Rusisë, por marrëdhënia u përkeqësua kur ajo kritikoi zgjedhjet “të shtrembëruara haptazi” që e rikthyen atë në presidencë në 2012, transmeton portal arbresh.info
Gjatë fjalimit përpara një audience në festivalin Hay, Clinton tha se pohimi i saj se rusët “meritojnë të dëgjohet zëri i tyre dhe të numërohen votat” dhe “një zgjedhje që plotëson standardet ndërkombëtare” nxiti protesta nga dhjetëra mijëra rusë, për të cilat Putini më pas e fajësoi direkt atë.
“Putinit nuk i pëlqen kritikët, veçanërisht gratë kritike. Putini më pas u bë shumë kundërshtar ndaj meje me pak përjashtime. Siç e dimë, pavarësisht përpjekjeve për të thënë të kundërtën, ai punoi shumë për të zgjedhur Trumpin president të SHBA-ve”, tha Clinton, e cila humbi zgjedhjet presidenciale të vitit 2016.
Clinton tha se ajo kishte dëshmuar “besimin e tij pothuajse mesian në veten e tij dhe atë që ai ishte i destinuar të ishte” si dhe për “qëllimin e tij për të rivendosur Rusinë perandorake” ndërsa punonte me të. Kjo e kishte shtyrë atë të shkruante memorandume duke paralajmëruar se ai do të bëhej një “kërcënim për Europën dhe pjesën tjetër të botës”.
“Kur ai pushtoi Ukrainën, fatkeqësisht nuk u befasova. Unë u befasova shumë këndshëm se sa në mënyrë efektive u mbrojt qeveria e Zelenskyt dhe Ukraina”, shtoi ajo.
Clinton bëri thirrje për krijimin e një tribunali të ngjashëm me ato të mbajtura pas luftërave ballkanike dhe gjenocidit në Ruandë për t’i mbajtur rusët përgjegjës për krimet e tyre të luftës, megjithëse ajo pranoi se është e vështirë t’ia kërkosh këtë një kryetari shteti që është përgjegjës për të gjitha./guardian/arbresh.info/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...