Në Gjermani është shënuar për herë të parë një rast i virusit të Nilit Perëndimor. Shkencëtarët besojnë se rritja e temperaturave për shkak të ngrohjes globale ka ndikuar që mushkonjat të përhapen në pjesën veriore të planetit.
Autoritetet shëndetësore gjermane njoftuan për personin e infektuar me këtë virus nga mushkonjat, i cili është rasti i parë në vend.
Qendra Kombëtare për Kontrollin e Sëmundjeve raportoi se personi i infektuar me këtë virus është sëmurë më vonë me encefalitis, i cili përfshin ënjtjen e trurit dhe paraqet rrezik për jetë.
Virusi i Nilit Perëndimor për herë të parë ishte zbuluar në Ugandë në vitin 1937, por viteve të fundit është përhapur edhe në vendet që shtrihen më në veri.
Shumica e personave të pickuar nga mushkonjat që e bartin këtë virus nuk kanë simptoma, por rreth 20 për qind e tyre më vonë përjetojnë ethe, temperaturë dhe vështirësi të tjera.
Më pak se 1 për qind e tyre mund të përjetojnë ndërlikime më serioze neurologjike, përfshirë encefalitisin dhe meningjitin.
Sipas studimeve të fundit, ky virus mund të shkaktojë dëmtime në tru, përfshirë dëmtimin e aftësive njohëse, të cilat zgjasin me vite të tëra pas infektimit fillestar, shkruan “Independent”, transmeton Gazeta Express.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...