Franca ka hyrë në javën e pestë të protestave kundër vaksinimit me mijëra njerëz që dolën nëpër rrugët e Parisit. Javët e fundit sipas Ministrisë franceze të Shëndetësisë protestuesit kanë sulmuar 22 vende shëndetësore, përfshirë pesë qendra testimi, 15 qendra vaksinimi dhe një laborator.
Urdhri Kombëtar Francez i Farmacistëve ka dënuar shpërthimin e dhunes të kohëve të fundit kundër anëtarëve të tij.
Rreth 45 milionë francezë kanë marrë deri tani një ose më shumë doza të vaksinës kundër COVID-19 me rreth 300,000 njerëz të vaksinuar në ditë.
Franca është një nga 13 shtetet e BE-së që po zbaton kufizimet për pasaportën e gjelbër.
Pasaportat e vaksinimit kërkohen për vizita në kinema e teatër, për udhëtime me trena në distanca të largëta, për vizita në restorante, bare dhe objekte të tjera.
Protesta drejtohet gjithashtu kundër vaksinimit të detyrueshëm. Franca po lufton aktualisht me valën e katërt të koronavirusit. Një rrezik të posaçëm paraqet varianti Delta, i cili tashmë përbën pothuase të gjitha rastet e infektimeve në Francë. Incidenca mesatare e infektimeve ka qenë së fundi rreth 50 në 100.000 banorë brenda një jave.
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...