Google ADS

Viagra femrave shtatzënë, vdesin 11 foshnje në Holandë

22:33 | 25 Korrik 2018
Trina Galanxhi

Në Holandë është ndalur eksperimentimi i viagrës për efektin e saj zgjerues të enëve të gjakut, pasi dhjetëra gra patën probleme në shtatzënitë e tyre.

Vendimi, i zyrtarizuar nga një komitet i pavarur kontrolli në Holandë, u mor pas vdekjes së parakohshme të 11 foshnjeve të lindura në përfundim të trajtimit.

Projekti ishte aplikuar në 10 spitale, në Amsterdam dhe qytete të tjera, mbi një total prej 93 grash që po kalonin shtatzëni problematike të shënjuara nga rritje e pamjaftueshme e fetusit.

Një komplikacion që viagra besohej se mund ta zgjidhte duke përmirësuar qarkullimin e gjakut drejt placentës, falë efektit të saj zgjerues të enëve të gjakut, që është verifikuar në një eksperimentim të mëparshëm tek kaviet. Por, ilaçi ka shkaktuar pasoja fatale në mushkëritë e 11 prej të sapolindurve pas trajtimit.

Nisur nga kjo, komiteti i pavarur i kontrollit, vendosi ditët e kaluara ndërprerjen e të gjitha testimeve./tch/

Shpërndaje në rrjete sociale

Lajmet më të lexuara

Të ngjashme

Foto lajm