Google ADS

Vetura-bombë vret 8 persona në Irak

18:44 | 15 Mars 2017
M. A.

Tetë persona kanë gjetur vdekjen dhe më shumë se 50 të tjerë janë plagosur të mërkurën kur një veturë-bombë shpërtheu në një rrugë të qytetit irakian Tikrit, thanë zyrtarët lokalë.

Vetura ishte parkuar në “Doctors Street” në qendër të Tikritit, e cila ka shumë klinika.

Askush deri më tash nuk e ka marrë përgjegjësinë për sulmin, ndonëse Shteti Islam ka kryer sulme të ngjashme në të kaluarën.

Më shumë se 20 vetë kanë gjetur vdekjen më 8 mars në serinë e shpërthimeve që goditi një dasmë në afërsi të Tikritit dhe që kishte për cak forcat e sigurisë.

Tërheqja e Shtetit Islam, të cilin lideri Abu Bakr al-Baghdadi e deklaroi nga xhamia në qytetin e vjetër të Mosulit në vitin 2014, është shoqëruar me sulme bombash në rajonet përreth, përfshirë edhe Bagdadin dhe qytetet në Sirinë fqinje.

Shpërndaje në rrjete sociale

Lajmet më të lexuara

Të ngjashme

Foto lajm