Vërshime në Greqi, përmbyten rrugë e shtëpi

09:49 | 15 Tetor 2021
A. B.

Mot i keq ka përfshirë Greqinë ku shiu ka shkaktuar përmbytje në shumë zona.

Përmbytjet kanë sjellë pamje katastrofike në disa zona në shtetin fqinj, shkruan Associated Press transmeton arbresh.info

Situata është mjaft kritike në Atika, ku janë përmbytur disa shtëpi, ndërsa shkollat janë mbyllur.

Një autobus me pasagjerë mbeti i bllokuar dhe filloi të zhytej në ujë ditën e djeshme, ndërsa pamjet e njerëzve teksa ndihmonin njëri-tjetrin për të dalë nga ujë, janë shpërndarë kudo. Autobusi u zhyt në ujë në Poseidonos në Paleo Faliro, ndërsa udhëtarët në bord formojnë një rresht, ku të kapur për dore, dalin në anë të rrugës, ndërsa uji u arrin deri në gju.

Më shumë se 40 shtëpi dhe biznese janë të përmbytura, ndërsa një stadium u zhduk nga sasitë e jashtëzakonshme të shiut që kanë rënë.

Zjarrfikësit janë në terren duke ndihmuar në evakuimin e qytetarëve, ndërsa kanë bërë apel për kujdes. / arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm