Google ADS

Vërshime e rrëshqitje dheu në Indonezi

10:27 | 6 Shkurt 2018
Arbresh.info

Mijëra indonezianë janë evakuuar nga shtëpitë e tyre pas shirave të rrëmbyeshëm që shkaktuan vërshime dhe rrëshqitje dheu.

Policia ka konfirmuar se tetë njerëz janë zhdukur, pasi dy rrëshqitjet e tokës rreth qytetit të Bogorit kanë përfshirë vendin.

Vërshimet kanë zhdukur shtëpitë dhe kanë përmbysur pemët dhe shtyllat e energjisë elektrike, transmeton portali arbresh.info

Rreth 6,500 njerëz ishin zhvendosur nga përmbytjet në pjesë të Xhakartës në jug dhe në lindje.

Guvernatori i qytetit Anies Baswedan është përgjigjur në katastrofë dhe tha se shërbimet emergjente po bëjnë gjithçka që munden për t’i ndihmuar ata që preken.

Në një deklaratë, ai tha: “Ne jemi duke u siguruar që këta të shpërngulur të marrin ndihmë”.

Personeli ushtarak është dërguar për të ndihmuar vullnetarët të merren me shkatërrimin e shkaktuar nga përmbytjet./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm