Vendet që ofrojnë armë dhe pajisje të tjera ushtarake për Izraelin, mund të shpallen po ashtu përgjegjëse për krimet në Gaza, sipas marrëveshjeve ndërkombëtare dhe vendimeve të Gjykatës Ndërkombëtare të Drejtësisë.
Qeveritë në Holandë, Mbretërinë e Bashkuar, SHBA, Kanada, Danimarkë dhe Gjermani, të cilat ofrojnë armë për Izraelin, do të përballen me padi nga gjykatat e tyre kombëtare.
Çështja e ngritur nga Nikaragua kundër Gjermanisë në Gjykatën Ndërkombëtare të Drejtësisë, për mbështetjen e saj financiare ndaj Izraelit, tregon se edhe palët e treta mund të shpallen përgjegjëse për krimet e kryera nga Izraeli. Këto padi në gjykatat vendore dhe vendimet e GJND-së kanë çuar në ndryshime në politikat e eksportit të armëve për disa vende si Kanadaja, Spanja dhe Holanda. Megjithatë, SHBA-ja, Gjermania dhe Britania e Madhe nuk kanë bërë ndryshime sa i takon mbështetjes së tyre ndaj Izraelit, pavarësisht vendimeve të GJND-së.
Vendimi i GJND-së në vitin 2007 mbi gjenocidin e Srebrenicës pohoi se jo vetëm individët, por edhe shtetet mbajnë përgjegjësi për krime të tilla. Pavarësisht gjenocidit të vazhdueshëm, mbështetja ushtarake për Izraelin mund të çojë në klasifikimin e shteteve mbështetëse si “shtete që ndihmojnë gjenocidin”.
Vendimet e GJND-së të vitit 2024 theksojnë detyrimin e shteteve për të parandaluar gjenocidin, duke theksuar rëndësinë që vendet e treta të ndërpresin dërgesat e armëve./a2cnn
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...