Vdes ish presidenti Hosni Mubarak

14:17 | 25 Shkurt 2020
Arbresh.info

Ish presidenti i Egjiptit, Hosni Mubarak ka vdekur në moshën 91-vjeçare pas një sëmundjeje të gjatë, raportojnë mediat egjiptiane.

Raportet për vdekjen e Mubarak ende nuk janë konfirmuar nga familja e tij ose avokati i tij. Një burim i afërt me familjen e ish presidentit ka konfirmuar vdekjen e Mubarak, transmeton portali arbresh.info.

Mediat kanë cituar avokatin Farid El-Dib duke thënë se ish presidenti po vuante nga komplikime nga operacioni që iu nënshtruar dy javë më parë, pa dhënë detaje.

Avokati shtoi se ish-presidenti i kaloi orët e tij të fundit në një ventilator mjekësor me familjen pranë shtratit të tij.

Hosni Mubarak shërbeu si president i Egjiptit midis 1981 dhe 2011, por dha dorëheqjen si rezultat i protestave të pranverës arabe që shpërthyen në vend në vitin 2011.

Që nga largimi i tij, vendi është përballur me disa vjet paqëndrueshmëri ekonomike dhe politike./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm