Google ADS

Vdes Australiania gjatë garës për ngrënie të ëmbëlsirave

14:26 | 27 Janar 2020
Arbresh Info

Një grua ka vdekur në Australi gjatë kohës kur po merrte pjesë në një garë për ngrënie të ëmbëlsirës së quajtur “Lamington”.

Gruaja e moshës 60-vjeçare raportohet të ketë pësuar sulm gjatë garës që u mbajt në  Hervey Bay të rajonit Queensland.

Pjesëmarrësit në këtë garë duhej të hanin sa më shumë copa të ëmbëlsirave për një kohë sa më të shkurtër. Ëmbëlsira e përdorur në këtë garë është e butë dhe e mbuluar me çokollatë dhe kokos.

Pas problemeve shëndetësore në vendin e ngjarjes, gruaja u dërgua në spital, ku më vonë u shpall e vdekur, shkruan “BBC”.

Dëshmitarët thanë se gruaja e ndjerë e kishte futur në gojë një copë të ëmbëlsirës, kur u duk se kishte vështirësi në gëlltitje.

Organizatorët e kësaj gare shprehën ngushëllime për gruan e vdekur dhe i falënderuan shërbimet emergjente për reagimin e shpejtë dhe profesional në këtë rast.

Shpërndaje në rrjete sociale

Lajmet më të lexuara

Të ngjashme

Foto lajm