Ish-ministri i ekonomisë në Greqi, Yanis Varoufakis, në një intervistë për Al Jazeera ka theksuar se vendet e BE-së që përdorin monedhën e përbashkët janë përfshirë nga një ‘epidemi’.
Ai ka shtuar se Brexit do të përshpejtojë shpërbërjen e bllokut, ndërsa ka shtuar se dalja e Italisë nga eurozona do të sjellë fundin e BE-së, transmeton portali arbresh.info.
“Mënyra se si janë duke ecur gjërat na bën të kuptojmë që Italia do të largohet shumë shpejt nga eurozona”, ka thënë ai.
“Kur u lejua një epidemi e tillë që të përhapet në vendet si Greqia, Spanja dhe Irlanda, përfundimisht më pas vjen edhe koha për Italinë”, ka shtuar ai.
Ai madje nuk ka hezituar që ta fajësojë Bashkimin Evropian për përpjekjen e shkatërrimit të disa prej shteteve që janë anëtare të bllokut.
Varoufakis ka shtuar tutje se shumë vende të BE-së do të ndjekin shembullin e Britanisë, duke shtuar se ‘BE-ja nuk është klub, është më tepër se kaq’ dhe ka shtuar se Brexit do të përshpejtojë shpërbërjen e saj./Arbresh.info
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite