Shtetet e Skandinavisë gjatë fundjavës së kaluar kanë shënuar temperatura që iu afruan rekordeve. Në disa vende, termometri shkoi deri në 34 gradë, që është shifër e pazakonshme për Evropën Veriore.

Temperaturat e fundit u shënuan pasi instituti kombëtar meteorologjik i Finlandës e regjistroi temperaturën mesatare më të lartë për muajin qershor që nga koha kur kishin filluar matjet – më 1844.

Kevo, në pjesën veriore të Finlandës, të dielën regjistroi temperaturë 33.6 gradë, që është më e larta që nga viti i largët, 1914, kur ishte shënuar temperatura 34.7 gradë. Edhe në disa pjesë të Suedisë u regjistruan temperatura rekorde për qershor, shkruan The Guardian.

Instituti meteorologjik i Norvegjisë regjistroi temperaturë 34 gradë në Saltdal, rajon që shtrihet afër Qarkut Polar. Kjo ishte temperaturë rekorde për Norvegjinë këtë vit dhe vetëm 1.6 gradë larg rekordit norvegjez të të gjitha kohërave.

Përpos Skandinavisë, me vapë të madhe së fundi po përballen edhe Shtetet e Bashkuara dhe Kanadaja. Vala e të nxehtit ka lënë 95 të vdekur vetëm në shtetin amerikan të Oregonit, bëri të ditur guvernatori i tij të dielën.

Ekspertët e klimës dhe zyrtarët kanë frikë se kushtet ekstreme, të ndihmuara edhe nga kriza klimatike, vetëm sa do të përkeqësohen në muajt e ardhshëm.

Lapland under extreme heat right now. 34.3°C at Banak, Norway ?? This level of heat has never been observed above 70 degrees north in Europe before.

Scandinavia has been in the oven for a while. A very hot June followed by a hot start to July. Widely 10-15°C hotter than average. pic.twitter.com/dYLHOMrhLQ

— Scott Duncan (@ScottDuncanWX) July 5, 2021