Kompania Moderna ka filluar testimin e vaksinës eksperimentale kundër HIV/AIDS tek njerëzit.

Në fazën e parë të testimit do të përfshihen 56 njerëz të shëndetshëm që nuk janë të infektuar me HIV, dhe të cilët janë midis 18 dhe 50 vjeç. Qëllimi i fazës së parë është të vlerësojë sigurinë e një vaksine të bazuar në teknologjinë mRNA dhe të monitorojë përgjigjen e sistemit imunitar të njeriut.

Këto teste vijnë pas vitesh kërkimesh mbi potencialin e vaksinave mRNA, dhe Moderna dhe Pfizer janë kompanitë e para që përdorin këtë lloj vaksine te njerëzit. Vaksinat janë treguar të jenë përgjithësisht të suksesshme në luftimin e coronavirusit.

Moderna do të testojë në të vërtetë dy versione të ndryshme të vaksinës të quajtur mRNA-1644 (ose mRNA-1644v2-Core), dhe është vaksina e parë mRNA e krijuar për të luftuar HIV.

Katër grupe do të marrin pjesë në teste, dy do të marrin përzierje të versioneve të ndryshme të vaksinës, dhe dy do të marrin një version tjetër.

Faza e parë do të zgjasë rreth 10 muaj, e ndjekur nga faza e dytë dhe e tretë me fokus në analizimin e efektivitetit të vaksinës dhe parandalimin e infeksionit HIV për popullatën e përgjithshme.

Shkencëtarët janë optimistë, veçanërisht pasi është një vaksinë mRNA.

Pas injektimit të vaksinës, qelizat fillojnë të prodhojnë proteina specifike që gjenden normalisht në pjesën e jashtme të virusit. Kur virusi i vërtetë hyn në trup, trupi njeh një rritje të asaj proteine dhe aktivizon një përgjigje të shpejtë nga sistemi imunitar për të shkatërruar virusin, duke parandaluar kështu kushte më të rënda.

Është jashtëzakonisht e rëndësishme që të stimulohen antitrupat në mënyrë që trupi të luftojë HIV në mënyrë efektive.

Në të kaluarën, ishte e vështirë të krijohej një vaksinë kundër HIV sepse virusi infekton ADN -në e njeriut shumë shpejt dhe ndryshon strukturën e tij. Ndërsa metodat më premtuese përfshinin stimulimin e antitrupave, shkencëtarët kishin vështirësi në nxitjen e këtij reagimi me vaksinën, por vaksina e re mRNA duhet të jetë e ndryshme. /Telegrafi/