“Ushtria siriane do të rrëzojë avionët që paraqesin kërcënim”, thotë Damasku

22:00 | 14 Shkurt 2018
Trina Galanxhi

Gjatë një konference shtypi, Fayssal Mikdad, zëvendësministri i Jashtëm i Sirisë ka theksuar se SHBA-të kanë për qëllim zgjatjen e luftës në vend.

Diplomati u bëri thirrje arabëve dhe kurdëve në Sirinë veriore që të bashkohen kundër forcave turke, ndërsa ka paralajmëruar vendet perëndimore kundër kryerjes së sulmeve ajrore në Siri, transmeton portali arbresh.info

“Ne i bëjmë thirrje Kombeve të Bashkuara të hetojnë veprimet dhe praktikat e SHBA-ve, të cilat po kërcënojnë integritetin territorial, sovranitetin dhe pavarësinë e politikës së Sirisë dhe synojnë të likuidojnë popullin sirian, duke kundërshtuar objektivat dhe parimet e OKB-së”, tha ai.

Gjatë ditës së sotme, presidenti francez Emmanuel Macron kërcënoi të niste një sulm ndaj Sirisë, nëse vërtetohet pretendimi se qeveria siriane ka përdorur armë kimike kundër qytetarëve të saj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm