Ushtria e Sirisë pritet të ndërhyjë në Afrin brenda 2 ditësh

21:58 | 18 Shkurt 2018
Trina Galanxhi

Forcat kurde kanë rënë dakord me Damaskun për lejimin e forcave siriane që t’u vijnë në ndihmë atyre në luftën kundër Turqisë, ka deklaruar një zyrtar kurd.

Badran Gia Kurd, një këshilltar i administratës, që drejton zonat autonome kurde në Sirinë veriore, tha se ushtria siriane do të vendosë disa pika kufitare dhe mund të hyjë në Afrin brenda 2 ditësh, transmeton portali arbresh.info

Përfaqësuesit e qeverisë siriane dhe forcat kurde më herët nuk ia kanë dalur që të bëjën marrëveshje mbi vendosjen e trupave qeveritare në rajonin Afrin, pasi Damasku ka kërkuar nga kurdët që të lëshojnë në duar e qeverisë siriane zonat që kontrollohen nga ta.

Forcat qeveritare gjithashtu kërkuan dorëzimin e të gjitha zonave dhe fshatrave të kontrolluara nga njësitë në veri-perëndim të Aleppo, duke përfshirë qytetin Tal Rifat dhe fshatrat Meng, Ain Dukna dhe Shejh Issa.

Turqia ka filluar një ofensive të quajtur “Dega e Ullirit” më 20 janar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm