Ushtarët izraelitë sëmuren me kancer, dyshime mbi sistemin kundërajror

22:01 | 6 Gusht 2019
L G

Janë të paktën 30 ushtarë izraelitë që janë diagnostikuar me kancer. Sipas ‘TRT’, shumica e ushtarëve janë me detyrë në sistemin e mbrojtjes kundërajrore “Kupola e Hekurt”.

Është Adam Shafer, gazetari i televizionit izraelit “Kanal 13”, i cili në një postim që ka bërë në llogarinë e tij në “Twitter” thotë se 30 ushtarë, shumica me detyrë në sistemin e mbrojtjes “Kupola e Hekurt”, janë diagnostikuar me kancer.

Shafer kërkon hetimin e çështjes, raporton ‘TRT’, për të mësuar se ka apo jo ndonjë lidhje mes sëmundjes që i ka kapur ushtarët izraelitë dhe punës së tyre në sistemin e mbrojtjes ajrore.

Ushtria izraelite nuk ka bërë ende ndonjë deklaratë në lidhje me këtë çështje.

Sistemi i mbrojtjes ajrore me raketa i quajtur “Kupola e Hekurt” përdoret kundër raketave me rreze të shkurtër veprimi.

Shpërndaje në rrjete sociale

Lajmet më të lexuara

Të ngjashme

Foto lajm