Google ADS

Ushtarët amerikanë zbarkojnë në gadishullin korean

00:09 | 16 Mars 2017
Trina Galanxhi

Katër raketa balistike të lëshuara nga Koreja e Veriut, vetëm 190 milje larg bregdetit të Japonisë, duket se kanë mjaftuar që SHBA-të të marrin mesazhin e diktatorit dhe të rrisin ndjeshëm mbrojtjen, jo vetëm në Japoni.

“Daily Mail” shkruan se SHBA-të kanë rritur ndjeshëm praninë ushtarake në gadishullin korean.

Raportohet se sot, ka mbërritur në Korenë e Jugut një aeroplanmbajtëse e fuqishme që pritet të marrë pjesë në një fushatë për t’i treguar forcën Koresë së Veriut.

Më shumë se 80 aeroplanë, avionë luftarakë F/A-18F, super hornet, e E-2C Hawkeye ndodhen në bordin e aeroplanmbajtëses.

Agjencia e lajmeve “Yonhap” e Koresë së Jugut thotë se prania e shtuar ushtarake është pjesë e një plani për të “hequr qafe” diktatorin e Koresë së Veriut, Kim Jong Un.

Një zyrtar i lartë i ushtrisë, që ka dashur të mbetet anonim ka deklaruar se: “Forcat ushtarake do të kenë disa misione për të depërtuar në veri, atje ku pritet të godasin objekte të rëndësishme të Koresë së Veriut”.

Shpërndaje në rrjete sociale

Lajmet më të lexuara

Të ngjashme

Foto lajm