Këshilli Evropian propozoi Ministren gjermane të Mbrojtjes Ursula von der Leyen të bëhet presidente e Komisionit Evropian, Presidenti i Këshillit Evropian Donald Tusk tha të martën.

Von der Leyen, e cila do të ishte presidentja e parë femër e Komisionit, nëse konfirmohet, do të marrë përsipër udhëheqjen në një kohë kur BE-ja po lufton me disa çështje, përfshirë daljen e planifikuar të Mbretërisë së Bashkuar nga blloku, transmeton portali arbresh.info.

https://twitter.com/eucopresident/status/1146102183034785792?ref_src=twsrc%5Etfw%7Ctwcamp%5Etweetembed&ref_url=https%3A%2F%2Fwww.dw.com%2Fen%2Feu-leaders-pick-germanys-ursula-von-der-leyen-to-lead-european-commission%2Fa-49446097

Emërimet për postet kryesore

Si pjesë e një pakete, nominimet përfshijnë:

Charles Michel për president të Këshillit Evropian. Aktualisht ai shërben si Kryeministër belg.

Christine Lagarde si presidente e Bankës Qendrore Evropiane. Ajo është ish ministre e financave të Francës e cila aktualisht shërben si drejtoreshë menaxhuese e FMN-së.

Josep Borrell Fontelles si Përfaqësues i Lartë për Punë të Jashtme dhe Politikën e Sigurisë. Aktualisht ai shërben si ministër i jashtëm spanjoll./Arbresh.info/