Zëdhënësi i Pentagonit, John Kirby, ka deklaruar se Presidenti rus, Vladimir Putin, është duke u keqinformuar mbi luftën në Ukrainë.
Ai thotë se Pentagoni pajtohet me vlerësimet – të përmendura më herët nga drejtoresha e Komunikimit e Shtëpisë së Bardhë, Kate Bedingfield – se presidenti rus Vladimir Putin nuk është plotësisht i informuar për ngjarjet në Ukrainë, transmeton portal arbresh.info
Kirby ka theksuar se Pentagoni e sheh këtë veprim si shumë shqetësues.
“Është ushtria e tij. Është lufta e tij. Ai e zgjodhi atë…fakti që ai mund të mos e kuptojë plotësisht shkallën në të cilën forcat e tij po dështojnë në Ukrainë, kjo është pak siklet,” tha ai.
Kirby tha gjithashtu se një Putin i painformuar mund të rezultojë në një përpjekje “më pak se besnike” për t’i dhënë fund konfliktit përmes negociatave.
“Nëse ai nuk është plotësisht i informuar se sa keq po ecën, atëherë si do të arrijnë negociatorët e tij në një marrëveshje?” , pyeti ai.
Për më tepër, një zyrtar i lartë i mbrojtjes tha se forcat ruse po largohen nga objekti bërthamor i Çernobilit, vendi i fatkeqësisë më të madhe bërthamore në botë në vitin 1986. Zona u pushtua nga Rusia disa ditë pasi pushtuan Ukrainën më 24 shkurt./bbc/arbresh.info/
AGK-ja sot publikon raportin vjetor ‘Treguesit e nivelit të ...
Simone Inzaghi tregon se si ekipi i tij humbi derbin me Mila...
6 të vdekur dhe disa të zhdukur nga përmbytjet dhe rrëshqitj...
Java e parë e vjeshtës, ky është parashikimi i motit në Shqi...
Fillon sot qarkullimin autobusi rozë në kuadër të fushatës k...
Mblidhet sot Kryesia e Kuvendit