Ushtria ruse ka hapur zjarr ndaj trenit të pasagjerëve të përdorur në operacionin e evakuimit të civilëve të ngelur në mes të përleshjeve të ashpra në rajonin Donetsk të Ukrainës, transmeton Anadolu Agency (AA).
Në një deklaratë nga Hekurudhat e Ukrainës (Ukrzaliznytsia), thuhet se ushtarët rusë hapën zjarr në trenin e pasagjerëve pranë stacionit Brusyn në rajonin e Donetskut.
“Treni po bënte udhëtimin e tij të evakuimit në qytetin Lyman për të marrë banorët e rajonit Donetsk dhe Luhansk, të cilët ndodheshin në zonën e konfliktit të dhunshëm”, thuhet në deklaratë.
Në deklaratë thuhet se si pasojë e sulmit ka vdekur një nga konduktorët e trenit dhe një tjetër është plagosur.
“Ukrzaliznytsia po bën çdo përpjekje për të evakuuar ekuipazhin e trenit të dëmtuar në këto minuta dhe të gjithë pasagjerët, duke përfshirë gati 100 fëmijët që presin shpëtimin në stacionin e trenit Lyman”, thekson deklarata.
– Bombardohet aeroporti në Ivano-Frankivsk
Nga ana tjetër, kryebashkiaku i qytetit ukrainas Ivano-Frankivsk, Ruslan Martsinkov, në një deklaratë në rrjetet sociale tha se aeroporti ndërkombëtar i qytetit u bombardua nga ajri nga ushtria ruse.
“Qëllimi i armikut është të mbjellë panik dhe frikë”, tha Martsinkov.
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...