Google ADS

Ukraina thotë se është kryer shkëmbimi i tretë i të burgosurve me Rusinë

23:34 | 9 Prill 2022
Trina Galanxhi

Qeveria ukrainase ka thënë se ka kryer një shkëmbim të burgosurish me Moskën, me 12 ushtarë ukrainas dhe 14 civilë që u kthyen në shtëpi pas lirimit të tyre nga forcat ruse.

“Me urdhër të Presidentit Volodymyr Zelenskyy, sot u bë shkëmbimi i tretë i të burgosurve. Dymbëdhjetë nga ushtarakët tanë po kthehen në shtëpi, duke përfshirë një oficere femër,”, ka deklaruar zv.kryeministrja e Ukrainës, Iryna Vereshchuk, përmes Telegramit, transmeton portal arbresh.info

Në mesin e civilëve të liruar ishin edhe nëntë gra, ndërsa nuk janë dhënë detaje se sa rusë janë liruar.

Më 1 mars, ushtria ukrainase tha se një shkëmbim të burgosurish ishte kryer me Rusinë për herë të parë që kur Moska filloi një sulm ushtarak në shkallë të plotë kundër Ukrainës më 24 shkurt./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm