Google ADS

Ukraina i kthen Rusisë trupat e ushtarëve të vdekur

00:51 | 14 Maj 2022
Trina Galanxhi

Ukraina ka thënë se po i kthen në shtëpi trupat e ushtarëve të vdekur rusë.

Të premten, zyrtarët ushtarakë u panë duke ngarkuar dhe grumbulluar kufomat e mbledhura nga rajonet e Kievit dhe Chernihiv në vagona hekurudhore frigoriferike, shkruan BBC, transmetonportali arbresh.info

Masa është në përputhje me “normat e së drejtës ndërkombëtare humanitare”, sipas Volodymyr Lyamzin, kreu i bashkëpunimit civil-ushtarak të Ukrainës.

“Pas përfundimit të fazës aktive të konfliktit, palët duhet të kthejnë trupat e ushtrisë së një vendi tjetër. Ukraina është e gatshme t’ia kthejë trupat agresorit”, tha Lyamzin për agjencinë e lajmeve Reuters.

Raportohet se disa trena frigoriferikë janë stacionuar edhe në pjesë të tjera të vendit.

Ukraina pretendon se ka vrarë rreth 20,000 trupa ruse. Rusia nuk e ka përditësuar numrin e saj të vdekjeve që nga 25 marsi, kur pranoi 1,351 vdekje./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm