Udhëheqësi i Koresë së Veriut uron Putinin për “Ditën e Fitores”

09:08 | 10 Maj 2022
A. B.

Udhëheqësi i Koresë së Veriut, Kim Jong-un, i dërgoi një mesazh urimi presidentit Vladimir Putin për festën e Ditës së Fitores së Rusisë, duke shprehur “solidaritetin e vendosur” të vendit të tij me Moskën, raporton agjencia e lajmeve koreano-veriore KCNA.

Në letrën e tij të dërguar më 9 maj, Kim “shtriu solidaritetin për kauzën e popullit rus për të çrrënjosur kërcënimin politik dhe ushtarak dhe shantazhin nga forcat armiqësore”, shkruajnë mediat e huaja, shkruan Sky News.

Udhëheqësi i Koresë së Veriut gjithashtu “shprehte besimin se marrëdhëniet strategjike dhe tradicionale të miqësisë midis dy vendeve do të zhvillohen në mënyrë të qëndrueshme”.

Koreja e Veriut kohët e fundit ka theksuar lidhjet e saj të ngushta me Rusinë dhe ka mbështetur publikisht Moskën për agresionin e saj në Ukrainë.

Në shkurt, ajo fajësoi për konfliktin në Ukrainë “politikën hegjemoniste” të Shteteve të Bashkuara dhe Perëndimit.

Shpërndaje në rrjete sociale

Lajmet më të lexuara

Të ngjashme

Foto lajm