Google ADS

Turqia thotë se Gulen po planifikon të ikë në Kanada

17:18 | 27 Shkurt 2017
Trina Galanxhi

Zëvëndës kryeministri i Turqisë thotë se agjencia e inteligjencës ka marrë një lajm ‘serioz’ në të cilin thuhet se kleriku më bazë në SHBA që kërkohet nga Turqia është duke planifikuar që të ikë në Kanada.

Numan Kurtulmus para gazetarëve tha se Turqia është në njohuri që Fethullah Gulen ka blerë ‘toka dhe ferma’ në Kanada, ndërsa ka shtuar se qeveria turke e ka ndarë këtë informacion me Ministrinë e Drejtësisë në Shtetet e Bashkuara, transmeton portali arbresh.info.

Turqia e akuzon Gulenin për orkestrimin e përpjekjes së grusht shtetit të dështuar në korrik të vitit të kaluar dhe kërkon ekstradimin e tij. Turqia gjithashtu ka kërkuar që kleriku të merret në paraburgim.

“Ne shpresojmë se (Shtetet e Bashkuara) do ta konsiderojnë këtë çështje seriozisht”, tha Kurtulmus.

Gulen ka mohuar të gjitha akuzat që i janë drejtuar nga autoritetet turke./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm