Turqia, që ka rreth 89 milionë banorë, deri me tani ka adimistruar më shumë se 10.5 milionë doza të vaksinave kundër koronavirusit.

Sipas Ministrit të Shëndëtësisë, Fahrettin Koca të enjten, në një vjetorin e rastit të parë të regjistruar të koronavirusit në Turqi, tha se Turqia është në rrugën e duhur për të siguruar vaksinat kundër koronavirusit për 50 milion njerëz deri në vjeshtën e këtij viti, transmeton portali arbresh.info

Vendi me 89 milion banorë filloi vaksinën e tij mbarëkombëtare në mes të janarit, me përparësinë e dhënë për punonjësit e kujdesit shëndetësor që ndodhen në vijën  e parë të rrezikut.

Koca tha se Turqia pret të ketë marrë 105 milion doza në fund të majit, të cilat do të ishin të mjaftueshme për të siguruar dy dozat për të gjithë mbi moshën 20 vjeç.

Në fillim të këtij muaji, Presidenti turk Recep Tayipp Erdogan njoftoi për fillimin e “një normalizimi të ti, të kontrolluar”, në të cilin përfshihet rihapja e restauranteve dhe kafeneve në disa provinca dhe rifillimin e shkollimit.

Bllokimet e fundjavës u hoqën në qytete të përcaktuara me rrezik të ulët ose të mesëm, por një shtetrrethim i ditës së javës në mbarë vendin nga ora 9:00 deri në 5:00 pasdite mbetet në vend. Dyzet e dy provinca të Turqisë aktualisht konsiderohen me rrezik të ulët dhe të mesëm, ndërsa 39 me rrezik të lartë ose shumë të lartë, tha Koca.

Turqia tani po përjeton një rritje të infeksioneve të reja, të cilat Koca ia atribuoi përhapjes së varianteve të reja. Zyrtarët shëndetësor njoftuan të enjten për 14,046 raste të reja.

Që nga fillimi i pamdemisë në Turqi janë konfirmuar 2.8 milionë raste me koronavirus dhe numri i të vdekurve ka shkuar mbi 29 mijë./arbresh.info/