Turqia ndalon 14 militantë të dyshuar të IS-it

12:04 | 22 Qershor 2018
A. B.

Zyrtarët në Turqi kanë njoftuar për arrestimin e 14 militantëve të dyshuar të grupit ekstremist, Shteti Islamik në Ankara, pas dyshimeve se kanë qenë duke planifikuar sulm terrorist gjatë zgjedhjeve të 24 qershorit në këtë vend.

Të gjithë të dyshuarit është raportuar se janë qytetarë të huaj dhe se janë ndaluar në një bastitsje të koordinuar në mëngjesin e 22 qershorit, ka raportuar policia.

Ende nuk janë bërë të ditura detajet e sulmit të planifikuar, mirëpo policia ka thënë se ka konfiskuar “materiale” të paspecifikuara.

Turqia është përballur me sulme terroriste më 2015 dhe 2016, për të cilat zyrtarët kanë fajësuar Shtetin Islamik (IS) ose militantët kurdë.

Pak pas mesnatës së 1 janarit 2017, një burrë i armatosur uzbek, që besohet se ka vepruar në koordinim me IS-in, ka vrarë 39 persona në një klub nate në Stamboll.

Shpërndaje në rrjete sociale

Lajmet më të lexuara

Të ngjashme

Foto lajm