Turqia fillon evakuimin e forcave nga Afganistani

12:23 | 26 Gusht 2021
A. B.

Ministria e Mbrojtjes e Turqisë ka bërë të ditur se vendi ka filluar evakuimin e trupave të saj nga Afganistani.

“Forcat e Armatosura turke po kthehen në atdheun tonë me krenarinë e përmbushjes me sukses të detyrës që u është besuar”, thuhet në njoftimin e ministrisë.

Në deklaratë gjithashtu thuhet se që nga viti 2002, Forcat e Armatosura turke kanë operuar në Afganistan në misionet e OKB-së, NATO-s dhe marrëveshjeve dypalëshe për të kontribuar në paqen, mirëqenien dhe stabilitetin e popullit afgan.

Ai shtoi se trupat turke ndërhynë së bashku me ushtarët e vendeve të tjera gjatë kaosit dhe siguruan sigurinë në Aeroportin Ndërkombëtar “Hamid Karzai” në Kabul.

Në deklaratë theksohet se rreth 1.129 civilë turq u evakuuan me avionë ushtarak gjatë këtij procesi. /atsh

Shpërndaje në rrjete sociale

Lajmet më të lexuara

Të ngjashme

Foto lajm