Google ADS

Turqia do të pezullojë marrëveshjen për refugjatët, nëse BE-ja refuzon liberalizimin e vizave

21:55 | 22 Prill 2017
Trina Galanxhi

Ankaraja do të tërhiqet nga marrëveshja për refugjatët me Bashkimin Europian nëse Brukseli refuzon të marrë në konsideratë propozimin e ri të regjimit pa viza, ka deklaruar ministri turk për çështjet e BE-së, Omer Celik.

“Nëse ata e pranojnë propozimin, procesi ( marrëveshja për refugjatët) do të përfundojë në mënyrë pozitive, nëse jo, kjo do të dështojë”, ka thënë ai për CNN Turk, transmeton portali arbresh.info.

Detajet mbi propozimin për liberalizmin e vizave nuk janë specifikuar.

Në mars të vitit 2016, Brukseli dhe Ankaraja kanë rënë dakord për një marrëveshje, sipas të cilës Turqia premtoi të pranonte emigrantët pa dokumenta që kishin arritur BE përmes Turqisë. Në këmbim, blloku u zotua për të përshpejtuar liberalizimin e vizave për shtetasit e Turqisë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm