Policia turke arrestoi 70 persona të dyshuar si të lidhur me grupin e armatosur të Shtetit Islamik (IS) në bastisjet në të gjithë vendin gjatë javës, tha sot Ministri i Brendshëm, Ali Yerlikaya.

Ky i fundit njoftoi në mediat sociale se sasi të mëdha parash, materiale digjitale dhe fatura për transaksione bankare “Hawala” – një sistem informal i transferimit të parave në disa pjesë të botës myslimane – u zbuluan në bastisjet.

Ministri i Brendshëm njoftoi dhe pa sesi policia me mjete ushtarake po kryen kontrolle dhe arrestimet.

1️⃣6️⃣ İlde DEAŞ Terör Örgütüne yönelik eş zamanlı olarak düzenlenen “KAHRAMANLAR-40” Operasyonlarında 7️⃣0️⃣ şüpheli şahıs yakalandı❗

Ülkemizin huzuru, birlik ve beraberliği için teröristlerin hiçbirine göz açtırmayacağız. Milletimizin duası, güvenlik güçlerimizin üstün… pic.twitter.com/91yMgFgWTs

— Ali Yerlikaya (@AliYerlikaya) January 11, 2024

Në fund të dhjetorit, forcat turke të sigurisë arrestuan 32 anëtarë të dyshuar të IS-it, të cilët agjencia shtetërore e lajmeve Anadolu tha se dyshohet se po planifikonin sulme ndaj sinagogave, kishave dhe ambasadës së Irakut.

Një javë më parë, policia arrestoi 304 luftëtarë të dyshuar të IS në të gjithë Turqinë në atë që dukej të ishte një goditje sigurie përpara festimeve të Vitit të Ri.

Grupi i Shtetit Islamik ka kryer një sërë sulmesh vdekjeprurëse në Turqi gjatë dekadës së fundit, duke përfshirë një sulm me armë në një klub nate në Stamboll më 1 janar të vitit 2017, i cili vrau 39 njerëz dhe një bombë gjatë Marshimit të Paqes në Ankara në tetor të vitit 2015 që vrau 105 persona./telegrafi