Google ADS

Turqi, ndalohet edhe një i dyshuar për vrasjen e ambasadorit rus

23:51 | 16 Shkurt 2017
Trina Galanxhi

Autoritetet turke kanë ndaluar një tjetër të dyshuar në lidhje me vrasjen e ambasadorit rus në Ankara, Andrei Karlov në dhjetorin e vitit të kaluar.

Policia ndaloi të dyshuarin në Ankara, më 15 shkurt, tha agjencia Anadolu, duke cituar burime të paidentifikuara të sigurisë.

Sipas Anadolu, autoritetet besojnë se i dyshuari ka bërë biseda telefonike me Mevlut Mert Altintas, policin që ka qëlluar për vdekje ambasadorin Andrei Karlov më 19 dhjetor.
Altintas, 22 vjeç, ka thirrur “Mos harroni Alepon” gjatë sulmit. Ai më pas është vrarë nga policia.

Sipas agjencisë Anadolu, katër të dyshuar ndodhen aktualisht në paraburgim, në lidhje me hetimet.

Shpërndaje në rrjete sociale

Lajmet më të lexuara

Të ngjashme

Foto lajm