Google ADS

Tubim masiv i serbëve në Beograd në mbështetje të Rusisë

19:24 | 4 Mars 2022
Lorik Gerbeshi

Në qendër të Beogradit, para pak kohe janë mbledhur një numër i madh i qytetarëve të cilët po protestojnë “në mbështetje të popullit rus”.

Sipas mediumit të pavarur serb N1, një numër i madh qytetarësh janë mbledhur në protestë në afërsi të Presidencës së Serbisë, transmeton arbresh.info.

Të mbledhurit po këndojnë mesazhe mbështetjeje për Rusinë, e cila filloi një pushtim ushtarak të Ukrainës të enjten e kaluar.

Përfaqësuesit e organizatave të ekstremit të djathtë, Damnjan Knezheviq nga “Patrulla Popullore” dhe Mladen Obradoviq nga “Obraz”, iu drejtuan pjesëmarrësve të protestës nga skena.

Ata thanë se “nëse Serbia vendos sanksione ndaj Rusisë pas zgjedhjeve, dy herë më shumë njerëz do të dalin në rrugë se sonte”.

Në tubim, si rëndom, u dëgjuan edhe thirrje për Kosovën, të tilla si “Kosova është zemra e Serbisë” e të ngjashme./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm