Google ADS

Trump thotë se s’e ka shkarkuar Comeyn për shkak të hetimeve të Rusisë

19:28 | 18 Prill 2018
Arbresh.info
Presidenti i Shteteve të Bashkuara, Donald Trump, tha se nuk e ka shkarkuar James Comeyn nga pozita e drejtorit të FBI-së, vitin e kaluar, për shkak të hetimeve të kësaj agjencie mbi ndërhyrjen e dyshuar të Rusisë në zgjedhjet në SHBA, më 2016.
Comey “nuk është shkarkuar për shkak të hetimeve të rreme të Rusisë”, tha Trump në një postim në Twitter.

Deklarata duket se bie në kundërshtim me një koment që ka bërë Trump për motivet e tij, dy ditë pas shkarkimit të Comeyt, në maj të vitit 2017.

“Në fakt, kur kam vendosur ta bëj këtë (të shkarkoj Comeyn), i kam thënë vetes: kjo gjëja e Rusisë është një histori e trilluar”, ka thënë Trump në atë kohë.

Shkarkimi i Comeyt ka çuar në emërimin e këshilltarit të posaçëm, Robert Mueller, i cili tani udhëheq hetimet e Departamentit amerikan të Drejtësisë mbi ndërhyrjen e dyshuar të Rusisë në zgjedhje dhe bashkëpunimin e mundshëm të fushatës së Trumpit me zyrtarët rusë.

Trump vazhdimisht e ka mohuar se ka pasur bashkëpunim të fshehtë midis bashkëpunëtorëve të tij dhe Rusisë.

Shpërndaje në rrjete sociale

Lajmet më të lexuara

Të ngjashme

Foto lajm