Ish ndihmësi i Shtëpisë së Bardhë, Steve Bannon, ka “humbur mendjën” pasi humbi punën në Shtëpinë e Bardhë, ka deklaruar Presidenti i SHBA-ve, Donald Trump.
Trump e kundërshtoi Bannon pasi u citua në një libër që përshkruante një takim mes djalit të Trump dhe një grupi rusësh, shkruan “BBC”, transmeton portali arbresh.info
Rusët i kishin ofruar Donald Trump Jr-së informacione të dëmshme për Hillary Clinton në takimin e qershorit 2016.
“Steve Bannon nuk ka lidhje me mua dhe as me presidencën time. Kur u pushua nga puna, ai jo vetëm që humbi punën, por humbi edhe mendjen”, tha Trump.
“Steve ishte pjesë e stafit që ka punuar për mua pasi kam mposhtur shtatëmbëdhjetë kandidatë, ndërsa tani ai po mëson se fitorja nuk është aq e lehtë”, shtoi ai.
Bannon, ish-shefi strateg i presidentit, u konsiderua si lojtar kyç në Shtëpinë e Bardhë dhe ndihmoi në formësimin e mesazhit të fushatës “Amerika e para”.
Ai u largua nga pozita e tij në muajin gusht të vitit 2017./arbresh.info/
E pyesin se kur do të pensionohet nga boksi – Joshua impresi...
Von der Leyen premton 10 miliardë euro në ndihmë të rajoneve...
Moti në Shqipëri me vranësira dhe reshje shiu
Mbahet Konferenca e dytë për investitorë “Prishtina 20...
Parashikimi i motit për të premten
Mbyllen ndeshjet e xhiros së parë: Kjo është gjendja tabelar...