Trump pret ndihmësin e afërt të Kim Jong Un-it në Shtëpinë e Bardhë

20:50 | 1 Qershor 2018
A. B.

Një ndihmës i afërt e udhëheqësit koreanoverior Kim Jong Un po takohet në Shtëpinë e Bardhë me Presidentin Donald Trump, duke u bërë zyrtari më i lartë i Koresë së Veriut që vjen për vizitë zyrtare në Shtetet e Bashkuara në 18 vitet e fundit.

Kim Yong Chol erdhi në Uashington nga Nju Jorku, ku u takua me Sekretarin amerikan të Shtetit Mike Pompeo.

Në Shtëpinë e Bardhë zyrtari koreanoverior u prit nga shefi i stafit John Kelly, që e shoqëroi atë drejt takimit me Presidentin Donald Trump.

Kim pritet t’i dorëzojë Presidentit Trump një letër të udhëheqësit koreanoverior Kim Jong Un.

Ky zhvillim vjen ndërsa të dy vendet po punojnë për reailizimin e një takimi Trump-Kim më 12 qershor, në Singapor.

Shpërndaje në rrjete sociale

Lajmet më të lexuara

Të ngjashme

Foto lajm