Trump për emigrantët: Nëse nuk janë të kënaqur me kushtet, mos të vijnë

22:39 | 3 Korrik 2019
Arbresh.info

Presidenti amerikan Donald Trump edhe njëherë ka treguar mendimin e tij lidhur me emigrantët e paligjshëm që kryesisht hyjnë nga Meksika.

Ai ka thënë se nëse ata nuk janë të kënaqur me kushtet në qendrat e ndalimit, është e thjeshtë, të mos shkojnë fare, shkruan portali arbresh.info.

“Nëse emigrantët e paligjshëm janë të pakënaqur me kushtet në qendrat e ndalimeve të ndërtuara ose të rikonfiguruara shpejt, thuaji atyre që të mos vijnë. Të gjitha problemet zgjidhen!”, thotë Trump.

Presidenti amerikan i cili tërë fushatën e ka bazuar në politikën e ashpër ndaj emigrantëve ilegalë, ende është duke pritur miratimin e buxhetit të kërkuar prej pesë miliardë dollarësh për të ndërtuar një mur me Meksikën. Madje së fundmi ai i ka vendosur tarifa shtesë mallrave nga shteti i Amerikës Jugore ku si kusht i ka vënë ndalimit të emigrimit.

Për këtë arsye Meksika ka vendosur rreth 15 mijë ushtarë në kufi me SHBA-të./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm