Trump pas takimit me Putin: Kur do ta kuptojnë budallenjtë që duhet ta kemi mirë me Rusinë

09:20 | 12 Nëntor 2017
Arbresh.info

Presidenti amerikan Donald Trump ka njoftuar se pati “diskutime pozitive” me udhëheqësin rus, Vladimir Putin, në një samit në Vietnam.

Në Twitter, shefi i Shtëpisë së Bardhe sulmoi “armiqtë dhe budallenjtë”, të cilët nuk inkurajojnë marrëdhëniet e mira mes dy vendeve.

Trump deklaroi se Putin i kishte treguar se kishte mbetur i fyer nga akuzat për ndërhyrjen ruse në zgjedhjet e vitit 2016 në SHBA.

Bashkësia amerikane e inteligjencës ka konkluduar se Rusia u përpoq të ndikonte në sondazhe në favor të zotit Trump.

“Putin tha se nuk kishte ndërhyrë në asnjë mënyrë në zgjedhjet tona”, deklaroi presidenti amerikan.

Megjithatë, pas kritikave intensive, Trump sqaroi se mbështeste agjencitë e inteligjencës amerikane në hetimin e tyre.

Dy udhëheqësit nuk patën bisedime formale dypalëshe gjatë veprimtarisë së samitit të Bashkëpunimit Ekonomik Azi-Paqësor (Apec), por u takuan  ne 3 raste.

Ata folën për krizën e Sirisë dhe akuzat e inteligjencës amerikane./SYRI.net/

Shpërndaje në rrjete sociale

Lajmet më të lexuara

Të ngjashme

Foto lajm