Google ADS

Trump kryetarit të Iranit: Do të kesh pasoja që pak kush i ka pasur në histori

09:05 | 23 Korrik 2018
Arbresh.info

Presidenti amerikan Donald Trump i është kërcënuar ashpër kryetarit të Iranit Hassan Rohan duke e porositur se do të përballet me pasoja të tmerrshme për shkak të kërcënimeve ndaj SHBA-së.

Përmes një shkrimi në Twitter, Donald Trump Rohanit i dërgoi një mesazh kërcënues: “Kurrë më mos e kërcënoni SHBA-në ose do të vuani pasojat më të mëdha që pak kush i ka vuajtur gjatë historisë”.

“Kryetarit të Iranit Rohani: Kurrë, ama kurrë mos e kërcëno SHBA-në ose do të vuash pasojat që pak kush gjatë historisë i ka vuajtur. Ne nuk jemi më vendi që hesht ndaj fjalëve tua të rënda të dhunës e të vdekjes. Bëj kujdes!”, ka shkruar Trump.

Rohani të dielën ka thënë se “Amerika duhet të kuptojë mirë se paqja me Iranin është nëna e çdo paqeje dhe se lufta me Iranin është nëna e të gjitha luftërave”, ka transmetuar AP.

SHBA-ja në maj është larguar nga marrëveshja bërthamore ndërkombëtare me Iranin.

Shpërndaje në rrjete sociale

Lajmet më të lexuara

Të ngjashme

Foto lajm