Presidenti Donald Trump tha të premten se ligjvënësit republikanë duhet të heqin dorë nga përpjekjet për të miratuar një projekt-ligj për imigracionin para zgjedhjeve të nëntorit për Kongresin.
Në një seri komentesh në Twitter, ai fajësoi demokratët që nuk po i mbështesin projektligjet e paraqitura për këtë qëllim në Kongres, ndërkohë që kriza e imigracionit është bërë qendër debatesh në të gjithë vendin.
Presidenti Trump do të flasë sot për emigracionin në Shtëpinë e Bardhë gjatë një takimi me disa familje të cilave u janë vrarë të afërm nga njerëz që kanë hyrë ilegalisht në SHBA.
Thirrja e Presidentit Trump që Kongresi të shtyjë votimin për projektligjet mbi emigracionin vjen pasi udhëheqësit republikanë në Dhomën e Përfaqësuesve nuk kanë mundur ditët e fundit të grumbullojnë mbështetje të mjaftueshme për dy projektligje që kërkojnë reformimin e ligjeve amerikane të imigracionit dhe forcimin e sigurisë në kufi.
Demokratët shpresojnë se do të marrin vende të mjaftueshme në nëntor për të fituar shumicën në Dhomën e Përfaqësuesve. Ata shpresojnë gjithashtu të marrin vende në Senat, por shanset për të fituar kontrollin e Senatit janë më të pakta./VoA/
Rama ndan pamjet nga spitali Memorial i Fierit: Rreth 80 qyt...
Pesë të lënduar në një aksident trafiku në rrugën Prishtinë-...
Kusari-Lila për deklaratën e Hovenier: Mos na barazoni me Se...
Zidane pyetet nëse Bellingham mund ta fitoj Topin e Artë kët...
Kryeministri Kurti u takua me kryeministrin e Vanuatu, Charl...
Tensionet në Liban, mbi 30 mijë njerëz janë zhvendosur në Si...