Trump kërkon që edhe rrjetet sociale të shqyrtohen për aplikantët që duan vizë

23:27 | 2 Qershor 2017
Trina Galanxhi

Shtetet e Bashkuara kanë filluar të kërkojnë nga aplikuesit për vizë që të sigurojnë identitetin e tyre edhe nëpër media sociale.

Një zyrtare e Departamentit të Shtetit, duke folur në kushte anonimiteti, tha për AFP se procedurat e reja të sigurisë knë  hyrë në fuqi më 25 maj për udhëtarët që konsideroheshin se paraqesin rrezik, transmeton portali arbresh.info

Presidenti Donald Trump u zotua që do të forcojë kontrollet kufitare, në mënyrë që të zbulojë hyrjen e ekstremistëve që duan të hyjnë në SHBA dhe që paraqesin kërcënim për vendin.

Sipas zyrtares të SHBA, oficerët konsullorë tani mund të kërkojnë informata shtesë nga aplikuesit për vizë.

“Aplikuesve për vizë do të ju kërkohet që të japin informacione shtesë, duke përfshirë edhe trajtimin e tyre në mediat sociale, numrat e mëparshëm të pasaportave, informacione shtesë mbi anëtarët e familjes, histori udhëtimesh, punësimi dhe informacioni mbi kontaktuesit”, tha ajo./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm