Trump bën kthesë, falënderon Katarin për përpjekjet në luftën kundër terrorizmit

20:57 | 15 Janar 2018
Trina Galanxhi

Presidenti i SHBA-ve, Donald Trump, ka falënderuar sundimtarin e Katarit për “për përpjekjet për të luftuar terrorizmin dhe ekstremizmin në të gjitha format”, thuhet në deklaratën e Shtëpisë së Bardhë.

Në deklaratë gjithashtu është theksuar sugjerimi për ngrohjen e lidhjeve mes dy vendeve, shkruan “Reuters”, transmeton portali arbresh.info

Në qershor të vitit të kaluar, Trump i kishte bërë thirrje Katarit që të ndalonte financimin e grupeve terroriste.

Arabia Saudite, Emiratet e Bashkuara Arabe dhe Bahreini, të cilët së bashku me Katarin janë anëtarë të Këshillit të Bashkëpunimit të Gjirit, dhe Egjipti që nuk është pjesë e saj kanë ndërprerë marrëdhëniet diplomatike, të udhëtimit dhe tregëtisë me Katarin, duke e akuzuar për atë mbështetje të militantëve terrositë.

Katari mohon akuzat dhe thotë se lëvizja e tyre synon kufizimin e sovranitetit të saj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm