Prej tre ditësh rrethinat e Francës nuk po gjejnë qetësi prej përleshjeve mes të rinjve dhe forcave të policisë. Shkak janë bërë masat e karantinës, të cilat shumë banorë nuk po duan t’i respektojnë.
Disa rrethina të Parisit kanë kaluar një tjetër natë me trazira, teksa banorët akuzojnë forcat e rendit për imponim të egër të rregullave të karantinës.
Objekte të forta dhe fishekzjarrë u lëshuan mbrëmjen e së martës drejt oficerëve të policisë, duke u vënë zjarrin disa makinave dhe koshave të mbeturinave, ndërsa këta të fundit u kundërpërgjigjën me gaz lotsjellës.
Tensionet në kryeqytetin francez nisën të shtunën, kur një motoçiklist në lagjen veriore, Vilnëv-la-Garen, u përplas me derën e një makine policie të pashenjuar.
30-vjeçari dyshohet se ishte nën ndjekje sepse po qarkullonte pa lejedaljen përkatëse në kushtet e pandemisë.
Sipas dëshmitarëve, mjeti i policisë e hapi derën papritur në mënyrë që drejtuesi i motorit të përplasej, duke i shkaktuar edhe thyerjen e këmbës.
Autoritetet thanë se ngjarja po hetohet ndërsa i aksidentuari ka paralajmëruar padi ndaj oficerëve.
Në disa prej rrethinave të Parisit jetojnë popullsia më e varfër e kryeqytetit me prejardhje të ndryshme.
Të dhënat zyrtare tregojnë se pandemia e virusit i ka goditur ata më fort sesa qytetarët në zonat qendrore për nga bilanci i vdekjeve.
Të hënën, Franca regjistroi mbi 20 mijë viktima nga Covid-19, duke u bërë vendi i katërt në botë që e kalon pragun pas Italisë, Spanjës dhe SHBA-së.
Rreth dy të drejtat e vdekjeve janë shënuar në spitale, ndërsa pjesa tjetër në klinikat për të moshuarit.
Pastrim parash, korrupsion dhe mosdeklarim pasurie, si ndodh...
52 aksidente në Kosovë vetëm gjatë 24 orëve të fundit
E dashura e Liam Payne shfaqet për herë të parë ne publik pa...
Aksidenti me fatalitet në Gjilan, arrestohet një person
Gjenden dy granata dore në Malishevë, FSK-ja bën tërheqjen e...
Toni Kroos flet për aventurën 10-vjeçare tek Real Madridi