Sekretari amerikan i Shtetit, Rex Tillerson, i tha presidentit të Ukrainës, Petro Poroshenko, se veprimet e Rusisë në lindje të Ukrainës mbeten pengesë për përmirësimin e marrëdhënieve SHBA-Rusi dhe përsëriti mbështetjen e tij “të fuqishme” për Kievin.
Zëdhënësi Mark Toner tha se biseda telefonike ka pasur qëllim që ta informojë Poroshenkon për vizitën e Tillersonit në Moskë, më 11 dhe 12 prill, ku ai ka takuar presidentin rus, Vladimir Putin, dhe ministrin e Jashtëm rus, Sergei Lavrov.
Sipas Tonerit, Tillerson “ka transmetuar mesazhin e tij ndaj udhëheqjes ruse se, ndonëse SHBA është e interesuar të përmirësojë lidhjet me Rusinë, veprimet e Rusisë në lindje të Ukrainës mbeten pengesë”.
Ai konfirmoi se sanksionet kundër Moskës do të mbeten në fuqi derisa Rusia të kthejë kontrollin e Gadishullit të Krimesë tek Ukraina dhe të zbatojë plotësisht obligimet e saj me Marrëveshjen e Minskut për paqe në Ukrainë.
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...
10 vjet nga Procesi i Berlinit, diskutohen arritjet, mundësi...