Theresa May nënshkruan letrën, nis zyrtarisht Brexit

23:48 | 28 Mars 2017
Trina Galanxhi

Kryeministrja britanike Theresa May ka nënshkruar sonte letrën drejtuar Presidentit të Këshillit të Europës Donald Tusk, të cilin e informon se Britania e Madhe është duke aplikuar Nenin 50 të Traktatit të Lisbonës, metodën formale për t’u larguar nga Bashkimi Europian.

Letra e firmosur nga May do t’i dorëzohet nesër Donald Tusk nga ambasadori i Britanisë së Madhe në Bruksel.

Sipas kohëzgjatjes së procedurave për të lënë bllokun e 28 vendeve, Britania e Madhe do të largohet përfundimisht nga unioni më 29 mars 2019.

Hyrja në fuqi e nenit 50 vjen 9 muaj pasi Britania votoi për t’u larguar nga BE me 52% të votave kundrejt 48% që ishin kundër daljes.

Nënshkrimi  i letrës nga Kryeministrja britanike shënon nisjen pa kthim të BREXIT.

Shpërndaje në rrjete sociale

Lajmet më të lexuara

Të ngjashme

Foto lajm