Autoritetet në Kinë kanë ofruar ndihmë të menjëhershme për Tajvanin pas tërmetit të fortë që goditi vendin, duke shkaktuar katër viktima.
Zyra e Çështjeve të Tajvanit të Kinës deklaroi se ishte e gatshme të ofronte ndihmë. Bregdeti lindor i Kinës shtrihet vetëm 180 km nga Tajvani, shkruan BBC.
“Jemi shumë të shqetësuar për situatën dhe shpreh mbështetjen për bashkatdhetarët e Tajvanit të prekur nga fatkeqësia,” tha Zhu Fenglian, zëdhënës i Zyrës së Çështjeve të Tajvanit të Këshillit të Shtetit.
Kina dhe Tajvani kanë një marrëdhënie të tensionuar. Tajvani e sheh veten si një vend sovran, por Pekini e sheh atë si një provincë të shkëputur që përfundimisht do të jetë pjesë e vendit dhe nuk e ka përjashtuar përdorimin e forcës për ta arritur këtë.
Tensionet janë konstante – në një orë pak para tërmetit, Ministria e Mbrojtjes e Tajvanit kishte bërë një konferencë duke vënë në dukje se 20 avionë ushtarakë kinezë kishin kaluar në zonën e saj në 24 orët e fundit./abcnews.al/
Zbulohet laboratori i drogës në podrumin e një banese në Pri...
Goditet një laborator i drogës në Prishtinë, Sveçla thotë se...
Islami: E gjithë kjo iniciativë e Serbisë është luftë për do...
Vrasja në Aktash/ Paneli për Lirim me Kusht kishte vendosur ...
Hasani në OKB, pritet firmosja e marrëveshjeve për liberaliz...
Profesori serb: Politika e Millosheviqit është rikthyer në S...