Google ADS

Tërmet i fuqishëm në një pjesë të Indonezisë lindore

12:16 | 16 Qershor 2021
A. B.

Një tërmet nënujor i cekët me madhësi prej 5.8 Rihter goditi sot (të mërkurën) disa pjesë të Indonezisë lindore.

Agjencia e Meteorologjisë, Klimatologjisë dhe Gjeofizikës tha se nuk kishte kërcënim për një cunami të madh, megjithëse niveli i detit u rrit rreth 0.5 metra, ndoshta për shkak të një orteku nënujor, shkruan cnn.

Shefi i Agjencisë së Zbutjes së Fatkeqësive në Maluku, Henri Far Far, tha se banorët përgjatë bregdetit në nën-rrethin Tehoru u kapën nga paniku për shkak të tërmetit, dhe iu është thënë të shpërnguleshin në një nivel më të lartë të tokës. Ai tha se muret dhe dyshemetë e disa ndërtesave janë çarë.

Shërbimi Gjeologjik i SHBA-së tha se tërmeti ndodhi rreth 10 kilometra nën det, 70 kilomtra nga qyteti Amahai në ishullin Seram në provincën Maluku. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm