Tensionet Rusi-Ukrainë, reagon NATO

23:03 | 25 Nëntor 2018
Trina Galanxhi

Zëdhënsja e NATO-s, Oana Lungescu thotë se aleanca ushtarake është “duke monitoruar nga afër” zhvillimet në Detin Azov dhe ngushticën Kerç.

“Ne kërkojmë përmbajtje dhe mos eskalim të situatës”, tha ajo, transmeton portali arbresh.info

“NATO mbështet plotësisht sovranitetin dhe integritetin territorial të Ukrainës, duke përfshirë të drejtat e tij lundruese në ujërat e tij territoriale. Ne i bëjmë thirrje Rusisë që të sigurojë qasje të papenguar në portet ukrainase në Detin Azov, në përputhje me të drejtën ndërkombëtare”, shtoi ajo.

Në Samitin e Brukselit në korrik, liderët e NATO-s shprehën mbështetjen e tyre për Ukrainën dhe bënë të qartë se militarizimi i vazhdueshëm i Rusisë në Krime, Detin e Zi dhe Detin Azov paraqesin kërcënime të mëtejshme për pavarësinë e Ukrainës dhe minon stabilitetin e rajonit më të gjerë.

Rusia ka sulmuar dy anije të Ukraniës, për të cilat pretendonte se kanë shkelur kufirin e saj detar, duke lënë të plagosur rëndë të paktën 2 persona./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm