Google ADS

Tensionet në rritje më SHBA, Irani armatos mbi 50 qytete

00:06 | 4 Shtator 2022
Trina Galanxhi

Irani ka armatosur 51 qytete dhe qyteza me një sistem të mbrojtjes civile që synon t’i përgjigjet çdo sulmi të huaj ndërsa tensionet me SHBA-në janë rritur javët e fundit.

Mbrojtja do t’u mundësojë forcave të armatosura të Iranit të “identifikojnë dhe monitorojnë kërcënimet duke përdor gjatë gjithë kohës softuer sipas llojit të kërcënimit dhe rrezikut”, , tha të shtunën zëvendësministri i Mbrojtjes, gjenerali Mehdi Farahi, sipas një raporti të Reuters, transmeton portal arbresh.info

“Këto ditë, forma e betejës është bërë më e ndërlikuar”, shtoi ai.

Farahi nuk përmendi ndonjë shtet specifik ku Teherani mund të shënjestrohej, por vuri në dukje se lufta konvencionale është zëvendësuar kryesisht nga taktikat e sulmit kibernetik, biologjik dhe radioaktiv.

Masat mbrojtëse vijnë pasi tensionet ushtarake në Detin e Kuq u përshkallëzuan këtë javë kur marina e Iranit u përpoq të kapte disa dronë amerikanë nga ujërat ndërkombëtare./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm